• Home
  • »
  • News
  • »
  • chhattisgarhi
  • »
  • छत्तीसगढ़ी व्यंग्य - उड़त तोता पढ़े अखबार: अढ़ई-अढ़ई साल के सरकार

छत्तीसगढ़ी व्यंग्य - उड़त तोता पढ़े अखबार: अढ़ई-अढ़ई साल के सरकार

कोरोना के सेती पूरा देश म मंदी दिखिस फेर छत्तीसगढ़ ल मंदी छू नइ पाइस. मनरेगा,वनोपज खरीदी जइसे योजना ले बेरोजगारी दर घटगे  2% तक आगे.

कोरोना के सेती पूरा देश म मंदी दिखिस फेर छत्तीसगढ़ ल मंदी छू नइ पाइस. मनरेगा,वनोपज खरीदी जइसे योजना ले बेरोजगारी दर घटगे 2% तक आगे.

मुख्यमंत्री भूपेश बघेल ह अपन मासिक आकाशवाणी रेडियो वार्ता म किहिस के राज्य सरकार ह अपन दु साल के शासनकाल म जनता के भावना, इच्छा, उम्मीद, ल जान-समझ के शासन-प्रशासन ल समस्या निराकरण के विषय म संवेदनशील करे के परयास करे हे. किसान मन बर कई योजना लागू करे गे हे, उद्योग अउ बैपार जगत म अच्छा परभाव दिखत हे.

  • Share this:
पीपर तरी मितानी-बइठका म खबरीलाल किहिस मेंहा अपन मितान मन संग गोठियावत खबर के बीच म म खड़े हँव. खबर हे के किसान आन्दोलन दिन ब दिन बाढ़त हे. केंद्र के मोदी सरकार अउ किसान नेता मन के बीच घेरी-बेरी बातचीत रब्बड़ बरोबर तनावत जात हे. बात अइस, अउ बात गिस. सरकार अपन जगा, आन्दोलन अपन जगा. किसान भूख हड़ताल करिन अब बीस दिसम्बर के मौन धारन करहीं. देश किसान आंदोलन के आड़ म विपक्षी नेता मन के सियासी नौटंकी घलो देखत हे. झूठ अउ दुष्प्रचार सिद्ध होवत हे. देश विरोधी तत्व मुड़ उठा के गरजे कस करत हें. छत्तीसगढ़ सरकार केंद्र अउ राज्य सरकार के समर्थन मूल्य के अंतर राशि देय बर राजीव किसान न्याय योजना शुरू करे हे. एखर भुगतान धीरे-धीरे (चार किश्तों म) होथे. लालबुझक्कड़ किहिस-विपक्ष नकारात्मक राजनीति करत हे. ओमन बांचे-खुंचे अपन जर ल खुदे खनत हें. जनता सब देखत हे.

ये भी पढ़ें : छत्तीसगढी विशेष - मया दुरिहयावय झन,दू-टप्पा गोठियाए मा काहीं नइ सिरावय

उड़त खबर,अढ़ई-अढ़ई साल
शेखचिल्ली किहिस-ए डाहर छत्तीसगढ़ म भूपेश बघेल के दु साल पुरगे. करजा लेव, घी पियो, चलत हे. राज्य सरकार उपर 58हजार करोड़ रू. के करजा हे. ओखर हर महीना के बियाज 360.80 करोड़ रू.सरकार पटावत हे. वित्तीय हालत बहुत खराब हे. तभो ले नवा जिला, नवा तहसील, नवा नगर पंचइत बनाय के संउख जिंदाबाद हे. प्रदेश म सुराज हे. अव्यवस्था म व्यवस्था हे. सियान अधिकारी मन सरकारी किरपा पा के संविदा सुख भोगत हें अउ जनता के मुड़ उपर, गोबर कस म थोपाय हें. राजनीति के गलियारा म कतको नेता मन पुड़िया छोड़त हें. मुख्यमंत्री पद के अढ़ई-अढ़ई साल के खबर तोता कस उड़ावत हें. राजनीतिक समीकरण चलत हे. अटकल पंचे के खेल हे.

मंडी म किसान-तपस्या
मिट्ठूराम किहिस-हमर छत्तीसगढ़ म किसान अपने धान ल सरकारी दर म बेचे बर मंडी म तपस्या करत हें. एक दिसम्बर ले सरकारी दर म धान खरीदी होवत हे. एसो धान के खूब पैदावारी होय हे. सीमा ले जादा धान खरीदी होय ले मंडी म धान जाम होवत हे. उठाव कमती हे. केंद्र सरकार ह एसो साधारण धान बर 1868 रू.अउ ए ग्रेड बर के धान के 1888 रू समर्थन मूल्य रखे हे. वुहें छत्तीसगढ़ सरकार 2500रू प्रति कुंटल समर्थन मूल्य ले धान लेवत हे. ए साल 21 लाख 29हजार 764किसान मन धान बेचे बर पंजीयन करांय हें. छत्तीसगढ़ सरकार केंद्र अउ राज्य सरकार के समर्थन मूल्य के अंतर राशि राजीव किसान न्याय योजना के तहत देथे. राज्य के भूपेश बघेल सरकार एक क्विंटल धान म सवा छह सौ रूपिया जोड़ के कुल 2500रू देवत हे.

सरकार अघुवइस अउ मंदी पछवइस
गोबरदास किहिस-मुख्यमंत्री भूपेश बघेल के विशवास हे के ग्रामीण अर्थव्यवस्था मजबूत होना चाही. इही विश्वास अउ संकलप ल पूरा करे बर किसान मन के करजा माफी, सिंचाई कर माफी, सुराजी गाँव योजना, गोधन न्याय योजना, राजीव गांधी किसान न्याय योजना चलत हे. छत्तीसगढ़ सरकार देश म सब ले जादा दर म तेंदूपत्ता अउ धान खरीदी करत हे. गोबर बेचइया अउ गौ पालक कुल 51हजार 286 किसान ल 06 करोड़ 18 लाख रू. के आँन लाइन भुगतान करे गे हे. ग्रामीण अर्थव्यवस्था बर सबे मिलाके ग्राम आधारित योजना बर 70हजार करोड़ रू से अधिक राशि दे जा चुके हे.

आकाशवाणी म भूपेश बघेल के बानी (वाणी)
खबरीलाल किहिस- छत्तीसगढ़ के मुख्यमंत्री भूपेश बघेल ह अपन मासिक आकाशवाणी रेडियो वार्ता म किहिस के राज्य सरकार ह अपन दु साल के शासनकाल म जनता के भावना, इच्छा, उम्मीद, ल जान-समझ के शासन-प्रशासन ल समस्या निराकरण के विषय म संवेदनशील करे के परयास करे हे. अपन संस्कृति अउ अस्मिता ल लेके गौरव भाव जगाय हे. किसान मन बर कई योजना लागू करे गे हे ओखर ले गाँव ल शक्ति मिले हे. उद्योग अउ बैपार जगत म अच्छा परभाव दिखत हे. कोरोना के सेती पूरा देश म मंदी दिखिस फेर छत्तीसगढ़ ल मंदी छू नइ पाइस. मनरेगा,वनोपज खरीदी जइसे योजना ले बेरोजगारी दर घटगे 2% तक आ गे.

सरकार के दु साल : जीरो अंक के दुकाल
गोबरदास किहिस-प्रदेश सरकार के दु साल के शासन पूरा होय के संबंध म भाजपा के राष्ट्रीय उपाध्यक्ष अउ पूर्व मुख्यमंत्री डॉ.रमन सिंह किहिस के मैं ए सरकार ल जीरो अंक घलो नइ देना चाहों. निगेटिव्ह मार्क्स के स्थिति हे. धान खरीदी में पूरा प्रदेश म अव्यवस्था हे. मुख्यमंत्रीजी छान्ही म होरा भूंजत हे.भाजपा के प्रदेश अध्यक्ष और पूर्व केन्द्रीय मंत्री विष्णु देव किहिस मुख्यमंत्री बघेलजी छान्ही(छप्पर) म होरा भूंजत हे. विलंब से धान खरीदी, गिरदावरी म रकबा कटौती, धान खरीदी केंद्र म गडबडी, टोकन, खाद, बीज, किश्त भुगतान सब में अंधेर हे. मुख्यमंत्री जी छानी म होरा भूंजत हें जोंन ह सरासर अतियाचार आय . भूपेश बघेल अउ उनकर मंत्रीमंडल के सहयोगी मन केंद्र सरकार के तीनों कृषि कानून ल किसान मन बर नुकसानदेह बताय हे. छत्तीसगढ़ के किसान जिला स्तर म मोदी सरकार के तीन कृषि कानून के विरोध करिन. दिल्ली इहाँ ले बहुत दूरिहा हे. अभी त मंडी म धान बेचना हे न.

पढ़ें Hindi News ऑनलाइन और देखें Live TV News18 हिंदी की वेबसाइट पर. जानिए देश-विदेश और अपने प्रदेश, बॉलीवुड, खेल जगत, बिज़नेस से जुड़ी News in Hindi.

हमें FacebookTwitter, Instagram और Telegram पर फॉलो करें.

विज्ञापन
विज्ञापन

विज्ञापन

टॉप स्टोरीज