Home /News /chhattisgarhi /

if you depended on some one then you will lost your self chhattisgarhi mir ali mir

छत्तीसगढ़ी म पढ़व- परबस होबे तहां तोर सबो सिरागे जानले

.

.

गुंजाइस के पुरती मा हमर पुरखा सियान मन अपन जिनगी ला खपा देंवय. ओतके दे भगवान जतका मा हमर के निभाव हो जावय अइसे काहंय.कहइया मन नवा जमाना आगे हे कइथें फेर कोनो मेरन खोजे मा नई मिलय.ओही घाम ओही पियास फेर कोन मेरन ले नावा हावय को जानी.

अधिक पढ़ें ...

ते हाँ कमा धमा के लानत रेहे. सकलइया धरइया अपन काम मा लागे राहय.रोज सपनावय कतका होगे हो ही भगवान.कोन,कोन मेरन हावय अइसे कहिके नींद भर सुते नई पावय अलथी कलथी मारत कब पहाती सुकबा ऊ जावय पतेच नइ चलय ठंडाए जीव के बातअलग होथे ओला कांही कर डार फरक नई परय फेर ते हां आजले नई ठंडाए पाए.

संझउती के बेरा ला घलाव नई जाने –

आए हावस ते जाबे कहां.कहां के हे तोर पता ठिकाना.पता बताने वाला अन्तर्यामी तोला भरम मा राखे हे. चेतलगहा नइ होबे ते रददा चिन्हारी कइसे पाबे.घाम ला घरियाए धरे मा संझउती के कलर तोला मोहावय काबर नहीं.तोला पतियावय काबर नहीं तेला तींही जान.जूड़ छाँव के मजा ला सूरूज नारायन घलो पाथे फेर अपन ला ते जान तोला का पाना का खोना हे.

कभू नई जाने मिहनत के कमाई-

कमावत ले कमाते अऊ ससन भर खाते.ससन भर कमाई ला सबो पतियाथें तभे तो पछीना ओगारे मा पइसा के ठकसाल खनन खनखनाथे अइसे कइथें.चार पइसा सकेले धरे रा बखत परे मा काम आही.चल रे चेतलगा मन भिनसरहा ले चल.चलत ले संसार हे अऊ मिहनत मा सार हे.

कउवाए बइठे ठलहा बुता करइया-

ठलहा रहइया के का बुता.परबस मा तोर जिनगी चलत हे अऊ तोला चालत हे.पागेस ते मोहलो- मोहलो अऊ नई पाएस तहां पिचकाट.ऐती ओती करत रइथे त का पाते तेला ते नी जाने.अब तोरेच जांगर तोला घिरलावत हे।दत-दत करत रइथस.तभे तो शिच्छा के बात केहे सुने मा तोला जियानथे।जनावत ले जियानही तभे तोला पाछू दिन के सूरता आगी असन जनाही त चल परबस मा झन राहय कोनो तेला जानके आजेच ले चेतजा नईते .काली के काल ला घलाव तोला ढपेलही.

(मीर अली मीर छत्तीसगढ़ी के जानकार हैं, आलेख में लिखे विचार उनके निजी हैं. )

Tags: Articles in Chhattisgarhi, Chhattisgarhi, Chhattisgarhi article

विज्ञापन

राशिभविष्य

मेष

वृषभ

मिथुन

कर्क

सिंह

कन्या

तुला

वृश्चिक

धनु

मकर

कुंभ

मीन

प्रश्न पूछ सकते हैं या अपनी कुंडली बनवा सकते हैं ।
और भी पढ़ें
विज्ञापन

टॉप स्टोरीज

अधिक पढ़ें

अगली ख़बर